Васількоўская (станцыя метро, Кіеў)

«Васількоўская»
укр.: Васильківська
«Васількоўская»; укр.: Васильківська
	Абалонска-Тэрэмкоўская лінія
	Кіеўскі метрапалітэн
Дата адкрыцця	15 снежня 2010 года
Раён	Галасіеўскі
Тып платформаў	астраўная
Даўжыня платформаў, м	103,8
Шырыня платформаў, м	11,0
Узведзена	Кіеўметрабуд
Выхад да вуліц	Васількоўскай
Час адкрыцця	05:43
Код станцыі	224
Суседнія станцыі	Галасіеўская і Станцыя метро Выставачны Цэнтр, Кіеў
	Медыяфайлы на Вікісховішчы

Абалонска-Тэрэмкоўская лінія

умоўныя абазначэнні

Тараса Шаўчэнкі ^+М

Кантрактова Плошча ^+аўт

Паштова плошча^{+ф +рв}

Майдан Нэзалэжнасці ^+М

Службовая галіна да Хрэшчатыка

Службовая галіна да Клоўскай

Плошча Украінскіх Герояў ^+М

Дэмііўска ^+аўв

Іпадром ^+аўт

Тэрэмкы

Аўтавакзал «Тэрэмкы»

Вулыця Крэйсера «Аўрора»

Адэска

ЦЧ «Тэрэмкы»

«Васількоўская» (укр.: «Василькі́вська», вымаўленне^ⓘ) — 49-я станцыя Кіеўскага метрапалітэна. Размешчана на Абалонска-Тэрэмкоўскай лініі, паміж станцыямі «Выставачны Цэнтр» і «Галасіеўская». Да 27 снежня 2011 года была канцавой. Названая па прылеглай да станцыі Васількоўскай вуліцы.

Канструкцыя

Станцыя дробнага залажэння. Падземная зала з астраўной пасадачнай платформай. Афармленне станцыі выканана ў сучасным тэхналагічным стылі. Па падоўжнай восі станцыі ўстаноўлены «бульварныя» ліхтары, пад якімі знаходзяцца лаўкі для пасажыраў. Платформа з абодвух тарцоў злучаная лесвіцамі і ліфтам для пасажыраў з абмежаванымі магчымасцямі з двума падземнымі вестыбюлямі, сумешчанымі з падземнымі пераходамі на Васількоўскай вуліцы і Амурскай плошчы. Наземныя вестыбюлі адсутнічаюць.

Абсталяванне

У інтэр’еры станцыі ўжытыя даўгавечныя аздобныя матэрыялы. Сцены вестыбюляў і размеркавальных залаў абліцаваныя бэжавым і рудым мармурам, пуцявыя сцены — бэжавым мармурам і сіняй смальтай з цокалем з чорнага габра. Падлога платформенных участкаў і вестыбюляў выканана са шліфаваных пліт граніту Пакастоўскага (шэрага) і Akam Green А (зялёнага), край платформы — з шэрага тэрмаапрацаванага граніту, шутц-лінія — з вохрыстай керамічнай пліткі з аб’ёмнай фактурай, дазваляе адчуць яе людзям з недахопамі зроку. Агароджы ўсходаў на платформу — з труб і лістоў з нержавеючага металу.

Аднаскляпеністая столь платформенных участкаў пафарбаваная белай водаэмульсійнай фарбай. Папярочныя швы зачыненыя алюмініевай рэйкай «Люксалон». Светлавая лінія — па краі платформы ў ліфтаў і падсветка ўздоўж шляхавай сцяны. Асноўная крыніца асвятлення платформы — таршэры па восі станцыі.

Ля лесвіцы ў вестыбюлі размешчаны ліфты для інвалідаў, шахты ліфтаў — з таніраванага шкла і алюмінію.

З вонкавага аздаблення прысутнічаюць толькі выхады з падземных пераходаў з накрытымі павільёнамі. Выхады ўяўляюць сабой парапет, абліцаваны чырвоным гранітам Межырыцкага радовішча. Павільёны — сталёвы каркас, фарбаваны эмалямі тыпу «Металік» светла-шэрага колеру, крыты зверху структураваным сінім полікарбанатам, па баках — шклом «трыплекс». На саміх уваходах усталёваны дзверы тыпу «Метро». Сцены пераходаў абліцаваныя кафляй тыпу «грэс», падлога — са шліфаваных пліт граніту чырвонага колеру.

Пераходы абсталяваны ліфтамі і пад’ёмнікамі для інвалідаў.